اسلام آباد۔ 22 فروری (اے پی پی) چیئرمین سینیٹ محمد صادق سنجرانی پنی آ صحافی ، پنی آ تجزیہ نگار، کالم نویس و ایڈیٹر نذیر ناجی نا کزیت آ ڈکھیائی و است ہسونی نا درشانی ءِ کرے۔ چیئرمین سینیٹ دعاکرے کہ اللہ تعالیٰ ایماندار نا بخشش و درجہ غاتے بڑزکے و خاہوت ءِ دا صدمہ ءِ صبر و حوصلہ اٹ سگنگ نا توفیق عطاکے۔ چیئرمین سینیٹ محمد صادق سنجرانی پارے کہ نذیر ناجی اسہ جوان ءُ صحافی و تجزیہ نگار اس ئسک۔ اوپارے کہ ایماندار نذیر ناجی کالم نگاری ٹی نمان ہنداس تخاکہ، اونا کزیت آن ودی مروک آ خلاء تادیر پُرمننگ کپک۔ صحافت نا بشخ اٹی اونا خذمت آتے مدام یات تخنگک۔ چیئرمین سینیٹ نا مستی پاننگ ئس کہ ایماندار نذیر ناجی نا صحافتی خذمت آتے خراج عقیدت پیش کینہ۔ ایماندار ءِ صحافی خذمت آتا اعتراف اٹی ہلال امتیاز ہم تننگاسس۔ ڈپٹی چیئرمین سینیٹ سینیٹر مرزامحمد آفریدی، قائد ایوان سینیٹ سینیٹر اسحاق ڈار، قائد حزب اختلاف سینیٹ سینیٹر ڈاکٹر شہزاد وسیم ئسک ہم پنی آ صحافی، پنی آ تجزیہ نگار، کالم نویس و ایڈیٹر نذیر ناجی نا کزیت آ ڈکھیائی و است ہسونی نا درشانی ءِ کرسا تینا جتا جتا ہڑزخواہی کلہو آتیٹی ایماندار نا بخشش و درجہ غاتا بڑزی کن دعاکریر۔
