نگران وزیراعظم انوارالحق کاکڑ نا نگران کابینہ، وزیراعظم آفس و ہاؤس نا غٹ آفیسر و اسٹاف نا کمکاری آ منت وار

اسلام آباد۔ 22 فروری (اے پی پی) نگران وزیراعظم انوارالحق کاکڑ نگران کابینہ و وزیراعظم آفس و ہاؤس نا غٹ آفیسر و اسٹاف نا کمکاری آ اوفتا منت واری ءِ ہرفسا پارینے کہ کنکن پاکستان کل گڑاءِ، ننے تینا اُرا پاکستان ءِ شونہال و سوگو کروئی ءِ، پاکستان نا الس اٹی بے پناہ لائخی ارے۔ پنچ شنبے نادے آ  نگران کابینہ نا دیوان اٹی گپ وتران کرسا نگران وزیراعظم انوارالحق کاکڑ بنجائی کابینہ و اسٹاف نا پبی کمکاری ناستاءِ کرے۔ اونگران کابینہ نا غٹ سنگت آتیکن نیک است خواہی نا درشانی ءِ کرسا پارےکہ وزیراعظم آفس و ہاؤس نا غٹ آفیسر و اسٹاف نا کمکاری آ منت وارءِ۔ پرنسپل سیکرٹری ، ڈی ایم ایس و ایلو کمکار اسٹاف نا خذمت  ستاکڑزک۔ وزیراعظم آفس و وزارت آتا نیام اٹ خڑکی ہم گرنچی ٹی پرنسپل سیکرٹری نا کڑد بھاز اہم ئس۔ کابینہ سیکرٹری ہراوڑاٹ زمواری تے سرتس اوڑآ او خراج تحسین نا حقدار ءِ، ملٹری سیکرٹری گچین کسبی وڑاٹ تینا زمواری تے پورو کرے۔ اوپارے کہ کابینہ سیکرٹری و ایلو قابل بیوروکریٹ آتا ساڑی گری ننکن گمرناسوب ءِ۔ اوپارےکہ ای خوش قسمت اُٹ ہرادے ملک انا خذمت نا موقع ملا، کنے پاکستان تون مہرومریبت ءِ۔ اوپارے کہ نن پاکستان ءِ اقوام عالم ٹی نمان ہند اس ترفوئی ءِ۔ پاکستان بابابلھے شاہ ، شاہ لطیف، خوشحال خان نا دھرتی ءِ، پاکستان چندی تہذیب و دودآتا مرکز ءِ ہرانا تینا یکتاءُ شناخت اسے۔