ہرنائی۔ 21 فروری (اے پی پی) ڈسٹرکٹ ایجوکیشن آفیسر ہرنائی مومن خان ترین گورنمنٹ بوائز ہائی اسکول ہرنائی ٹی میٹرک نا سالانہ امتحان تا امتحانی سینٹرآتا دورہ ءِ کرے۔ دورہ ٹی او امتحانی سینٹر نا سپرنٹنڈنٹ محمد دین کاکڑ آن حوال ہلک۔ داوخت آ ڈپٹی سپرنٹنڈنٹ سید محمد، ایڈیشنل سپرنٹنڈنٹ محمد سالم و نگران ماسٹر مجتبیٰ ، ماسٹر عباس بلوچ، ماسٹر عباس مرغزانی، صاحب داد سومرو و ایلوفک ہم ساڑی ئسر۔ ڈسٹرکٹ ایجوکیشن آفیسر پارے کہ طالب علم آک جوان خواری کرسا امتحان تیٹی جوان ءُ نمبر ہلنگ نا کوشست کیر و نقل آن پاناد کیر۔ اوپارے کہ خواری نا سوب آن بڑزکو ہند اس دوئی کننگ مریک، اینو نا طالب علم آک ننا آخبت نا جوڑ کروک آک ءُ۔ اوگورنمنٹ بوائز ہائی اسکول ہرنائی ٹی تعینات میٹرک امتحانی سینٹر عملہ نا کارکڑد آ است جمی نا درشانی ءِ کرے و طالب علم آتا خواری نا ستاءِ کرے۔ ڈسٹرکٹ ایجوکیشن آفیسر مومن خان ترین امتحانی سینٹر نا پیشن سیکورٹی نا ہم جاچ ءِ ہلک و ضلعی انتظامیہ و پولیس نا کنڈآن سیکورٹی نا فول پروف بست وبند آتیا اوفتا منت واری ءِ ہرفے۔
