اسلام آباد۔ 21 فروری (اے پی پی) اے این ایف منشیات اسمگلنگ نا برخلاف 6 کارروائی تیٹی 253 کلوگرام منشیات دوئی کرسا 7 دوبہ دار آتے دزگیرکرے۔ اے این ایف ترجمان نا رداٹ رنگ روڈ پشاور نا خڑک اِرا دوبہ دارآتیان 68 کلوگرام افیم و 72 کلوگرام چرس دوئی کننگا۔ نوکنڈی روڈ چاغی آن 80 کلوگرام آئس دوئی کننگا۔ حیات آباد ٹول پلازہ پشاور نا خڑک اِرا دوبہ دار آن 9 کلوگرام چرس دوئی کننگا۔ لیبرکالونی پشاور نا خڑک اِرا دوبہ دار آن 9 کلوگرام چرس دوئی کننگا۔ جی ٹی روڈ پشاور اٹی دوبہ دار آن 8 کلوگرام چرس دوئی کننگا ۔ زخہ خیل خیبرآن 6 کلوگرام چرس دوئی کننگا۔ ترجمان پارے کہ دزگیر دوبہ دار آتا برخلاف انسدادِ منشیات ایکٹ انا رداٹ مقدمہ نوشتہ کرسا جاست وپاست نا بناءِ کننگانے۔
