جدہ۔ 21 فروری (اے پی پی) اسلامی کمکار تنظیم (اوآئی سی ) غزہ نا پٹی ٹی وحشیانہ اسرائیلی جارحیت نا چٹفنگ کن اقوام متحدہ نا سلامتی کونسل نا قرارداد نا مسودہ ءِ منظور کننگ اٹ بے سہبی آ است ہسونی نا درشانی ءِ کرینے۔ چارشنبے نادے آ اسلامی کانفرنس تنظیم نا کنڈآن جدہ ٹی جاری بیان اٹی او آئی سی قرارداد نا مسودہ نا برخلاف امریکہ نا کنڈآن ویٹو نا کاریم اٹ اتنگ آ ہم است ہسونی نا درشانی ءِ کرے و اودے جہانی امن وسلامتی نا بحالی، شاری تا رکھ وغزہ نا پٹی ٹی انسانی امداد نا فراوانی ءِ پک کننگ اٹ سلامی کونسل نا کڑد انا منفی عکاسی گوندا۔ اوآئی سی جہانی برادری خاص وڑاٹ سلامتی کونسل آن تینا زمواری تے ادا کننگ و غزہ نا پٹی ٹی فلسطینی الس ءِ مون تروک نسل کشی ءِ توننگ کن دمدستی گام گیج کننگ نا خواست کرینے۔
