اسلام آباد۔ 21 فروری (اے پی پی) صدر مملکت ڈاکٹر عارف علوی پارینے کہ پاکستان تینا زرگزرانی حالیت آتے گچین کننگ کن برآمد آتے ودفنگ آ چکار کننگ ءِ، پاکستان درملکی کمپنی تتون تین پہ تینی وڑاٹ فائدہ مند کاروباری شریداری خواہک۔ او چارشنبے نادے آ ایوان صدر اٹی بِے و معدنیات نا بشخ انا امریکی کمپنی نا ڈل اتون اوڑدہی ٹی گپ وتران کریکہ۔ ڈل صدر مملکت ءِ بِے انا کانڑ کنی، پراسیسنگ و مارکیٹنگ اٹی کمپنی نا کڑد انا بارواٹی حوال تس۔ صدر مملکت ڈاکٹر عارف علوی پارےکہ پاکستان چندی بشخ آتیٹی پیشن نا زرکاری و جوائنٹ وینچرز نا مون آ دننگ نا خواہندار ءِ۔ پاکستانی بِے انا گچین پراسیسنگ ، پیکجنگ و مارکیٹنگ آن قدر اٹی ودکی کننگ مریک، پاکستانی بِے بڑزکو آب آ پاکستانی بِے انا خواست اٹی ودکی کن بڑزکو آب انا بِے انا فراوانی ءِ پک کروئی مریک۔ صدر مملکت مریکل سالٹ ورکس کمپنی ءِ پاکستان اٹ زرکاری کننگ نا ستاءِ کرے۔ صدر مملکت مریکل سالٹ ورکس و پاکستان منرل ڈویلپمنٹ کارپوریشن نا نیام اٹ معاہدہ غا دستخط ءِ ہم ستاکڑزوک گوندا۔
