اسلام آباد۔ 20 فروری (اے پی پی) نگران بنجائی وزیر حوالکاری ، شینکاری و پارلیمانی امور مرتضیٰ سولنگی سے شنبے نادے آ پارلیمنٹ ہاؤس اٹی سینیٹ نا قائمہ کمیٹی کابینہ سیکرٹریٹ نا دیوان اٹی بشخ ہلک۔ دیوان نا کماشی ءِ کمیٹی نا چیئرپرسن سینیٹر سعدیہ عباسی کریکہ۔ دیوان اٹی اسلام آباد کلب اٹی انتظامی اصلاحات نا بابت حوال تننگا۔ داوخت آ بنجائی وزیر حوالکاری سوج کرے کہ اشرافیہ آن بیدس اینو نا حبیب جالب، آرٹسٹ، فنکار اسلام آباد نا کلب نا ممبرشپ ءِ ہلنگ کیک؟ دیوان اٹی اسلام آباد کلب اٹی انتظامی اصلاحات نا بابت حوال آن بیدس ایلو امور تیا ہم شرہ مس۔
