اسلام آباد۔ 20 فروری (اے پی پی) آئی سی اے او ٹیم پاکستان ایوی ایشن سسٹم نا آڈٹ نا باقاعدہ بناءِ کرے۔ پاکستان سول ایوی ایشن اتھارٹی نا ترجمان نا رداٹ (آئی سی اے او) ’آئی کیو‘ یونیورسل سیکورٹی آڈٹ پروگرام پدریسہ مانیٹرنگ اپروچ (USAP-CMA)ٹیم پاکستان نا دورہ ء کرے۔ چار باسکی آئی کیو سیکورٹی ٹیم سول ایوی ایشن ہیڈ کوارٹرز نا دورہ نا وخت آ بڑزکو کمامدارآتون اوڑدہی کرے۔ ڈپٹی ڈی جی ریگولیٹری نادر شفیع ڈار پاکستانی ڈل انا کماشی ءِ کرے۔ دا وخت آ ڈائریکٹر ایوی ایشن سیکورٹی ایئر کموڈور ریٹائرڈ شاہد قادر ہم ڈپٹی ڈی جی ریگولیٹری تون اوار ساڑی ئسر۔ آئی سی اے او ٹیم انا کماشی ءِ مسٹر آسکررو بیواینیبل کرے ہرانا کمکاری ءِ اونا 3 باسکی ٹیم کرے۔ ہڑتوم آکنڈآن سرجم پریزنٹیشنز تننگا و آڈٹ پروگرام آ گپ وتران کننگا ۔ (آئی سی اے او) سیکورٹی ٹیم ڈی جی سی اے اے خاقان مرتضیٰ تون ہم اوڑدہی کرے۔ ڈی جی سی اے اے مہمان تے پورو کمکاری و غٹ بشخ آتسکان پورو رسینگ نا باوری کرفے۔ سیکورٹی ڈل گچین بست وبند آتیا است جمی نا درشانی ءِ کرے۔
