اسلام آباد۔ 20 فروری (اے پی پی) سینیٹ نا قائمہ کمیٹی بنجائی تعلیم و کسبی تربیت نا چیئرمین سینیٹر عرفان صدیقی پارینے کہ 2018ٹی ننے گچین کاری تیٹی بشخ ہلنگ کن ہلنگتو ، کرینگ و خل انا ہیت آک داسہ بایدے چٹر، ہراکہ حکومت جوڑ مریک مخلوط جوڑ مریک، 9 مئی نا فلسفہ ءِ است آن دبو، مثبت و تعمیری سوچ ءِ تینا کبو۔ سے شنبے نادے آ سینیٹ اٹی لس گچین کاری تا بابت تحریک آ شرہ ٹی بشخ ہلسا سینیٹر عرفان صدیقی پارے کہ ننا گچین کاری تا ریکارڈ خوشگوار متو، پاکستان اٹی حکومت آتے مدءِ پورو کننگ کن اِلنگتو، 2018 ٹی انتس کہ مس او تاریخ نا تہار انگا بشخ ءِ، 2018 ٹی گچین کاری تیٹی چاردے آن پد نتیجہ بس، 2018 ٹی مسلم لیگ (ن) نا قائد نواز شریف زندان اٹی ئس، 2018 ٹی ننے گچین کاری تیٹی بشخ ہلنگ کن اِلنگتو۔ اوپارے کہ ایوان تیٹی مریک ایوان اٹ بریر، کرینگ و خل انا ہیت آک داسہ بایدے چٹر، کس اسےتون گیشتری اف ہراکہ حکومت جوڑ مریک مخلوط حکومت جوڑ مریک، ایلو ملک آتیٹی گچین کاری تیان پد ٹھہراؤ بریک ننا داڑے بدبختی اٹ ہمووڑ مفک ایلو ملک اٹی گچین کاری تا ذکر مریک، ولے خیبرپختونخوا نا ذکر ءِ انت اکن کننگپک، ہراڑے نم کٹیرے ہموڑے سہی ءِ و ہراڑے نم باایترے ہموڑے انت دھاندلی مسنے۔ 9 مئی نا فلسفہ ءِاست آن دبو، 8 فروری ءِ مون آ تخبو، پوسکن ءُ کڑد اس اداکبو، مثبت و تعمیری سوچ ءِ تینا کبو، پاکستان نا ویل آتے پہہ مبو و ہڑدڑآن پاناد کبو۔
