اسلام آباد۔19فروری (اے پی پی): ادارکی بنجاھی وزیر اھوالکاری ءُ شنگ کاری ءُ پارلیمانی کار مرتضی سولنگی ءَ گوشتگ کہ الیکشن کمیشن ءِ نیمگ ءَ کامیاتیں امیت وار آنی لڑ جاڑ ی بوھگ ءَ چہ پد وزارت ء ِ پارلیمانی کار راجی اسمبلی ءِ دیوان گوانک جنگ ءِ سمری ادارکی مزن وزیر ءَ را روان دیگ بوتگ ءُ صدر مملکتءَ راجی اسمبلی ءِ دیوان گوانک جنگ ءِ دزبندی جنگ بیت۔ دو شمبے ءَ ادا میڈیا ءَ گوں تران کنان ءَ بنجاھی وزیر اھوالکاری ءَ گوشتگ کہ ادارکی حکومت ءَ وتی زمہ واری آناں پیلو کتگ۔ کمشنر راولپنڈی ءِ جیڈھ ءَ را مزن تکی پٹ ءُ پولی کمیٹی جوڑ بوتگ وھدیکہ الیکشن کمیشن ھم اے جیڈھ آنی سر ءَ کاروائی کنگ ءَ انت۔ آئی ءَ گوشت کہ مارا وتی ادارگ ءُ نظام ءِ سر ءَ دل یکیمی کنگ لوٹ ائیت۔ آئی ءَ گوشتگ کہ کانود ی کر چلگ ءَ انت گڈا ودار کنگ لوٹ ائیت۔ راجی اسمبلی ءِ دیوان گوانک جنگ ءِ ھوالگ ءَ جست آنی پسو ءَ بنجاھی وزیر اھوالکاری ءَ گوشتگ کہ کانود ءِ چیر دستی وڑیں الیکشن کمیشن کامیات امیت وار آنی لڑ ءَ جاڑی کنت انت۔ وزارت ءِ پارلیمانی کار راجی اسمبلی ءِ دیودان ءَ را گوانک جنگ ءِ سمری ادارکی مزن وزیر ءَ را روان دنت ءُ صدر ءَ چہ راجی اسمبلی ءِ دیوان ءَ را گوانک جنگ ءِ دزبندی کنگ بیت۔
