اسلام آباد۔ 19 فروری (اے پی پی) نگران بنجائی وزیر حوالکاری، شینکاری و پارلیمانی امور مرتضیٰ سولنگی پارینے کہ الیکشن کمیشن نا کنڈآن سرسہب اومیتدار آتا لڑ جاری مننگ آن پد وزارت پارلیمانی امور قومی اسمبلی نا دیوان ءِ بٹنگ نا سمری نگران وزیراعظم آ گدریفک و صدر مملکت آن قومی اسمبلی نا دیوان ءِ بٹنگ نادرخواست کننگک۔ دوشنبے نادے آداڑے میڈیا تون گپ وتران کرسا بنجائی وزیر حوالکاری پارے کہ نگران حکومت تینا زمواری تے پورو کرینے، کمشنر راولپنڈی نا باندات آ بڑزکو پٹ وپولی کمیٹی اس جوڑ مسنے وخت اس کہ الیکشن کمیشن ہم دا باندات آ کارروائی کننگ ءِ۔ اوپارے کہ نن تینا ادارہ ونظام آ بایدے پت کین۔ اوپارے کہ کانودی عمل چلینگ انگ ءِ تو انتظار کننگے۔ قومی اسمبلی نا دیوان ءِ بٹنگ نا بابت سوج انا ورندی ٹی بنجائی وزیر حوالکاری پارے کہ آئین و کانود نا رداٹ ہند ن کہ الیکشن کمیشن سرسہب اومیتدار آتا لڑ ءِ جاری کیک ، وزارت پارلیمانی امور قومی اسمبلی نا دیوان ءِ بٹنگ نا سمری ءِ نگران وزیراعظم آ گدریفک و صدر مملکت آن قومی اسمبلی نا دیوان ءِ بٹنگ نا درخواست کننگک۔
