اسلام آباد۔ 16 فروری (اے پی پی) وزارت مذہبی امور پیدوار کرینے کہ حج پالیسی 2024 نا رداٹ برجاسال حج گروپ آرگنائزر نا پیکج آتا کچ ءِ وزارت منظور کرے نئے اوفتا تعین ءِ کرینے، ہر حج گروپ آرگنائزر تینا پیکج آتے تینٹ تیار کیک وحاجی تون حج معاہدہ کیک۔ وزارت نا ترجمان نارداٹ پرائیویٹ حج اسکیم نا رداٹ حج گروپ آرگنائزر و حاجی نا نیام اٹ معاہدہ ٹی مکتب نا کیٹیگری و ایلو آسراتی تا سرجم آتا ذکر المی مریک ہندا سوب آن غٹ حاجی تیان خواست ءِ کہ حج پیکج نا گچین کاری ءِ خیال و سوچ بچار اٹ کیر ۔ منظور مروک حج گروپ آرگنائزر نا فہرست وزارت مذہبی امور نا ویب سائٹ آ ساڑی ءِ۔ حج پیکج گچین کننگ آن پد کمپیوٹرائزڈ رسید ءِ ضرورہلبو۔ حج واجبات نا ادائیگی بیرہ بینک انا کمک اٹ براہ راست کمپنی نا اکاؤنٹ اٹ کبو۔ اسہ ہم حج گروپ آرگنائزر اس نغد وصولی نا مجاز مفک ہنداسوب آن ہچ ءُ نغد ادائیگی اس کننگپ۔ دا چرجوئی ٹی ہروڑنا معلومداری یا غاو اکن وزارت مذہبی امور نا سیکشن آفیسر ’’حج گروپ آرگنائزر‘‘ آن کننگ مریک۔
