لاہور۔ 16 فروری (اے پی پی) لاہور ہائیکورٹ مسکوہی وزیراعظم عمران خان نا اُرائی بشریٰ بی بی نا مست انا اَرے خاور مانیکا غا ڈغار آ کوزہ نا دوبہ ٹی نوشتہ ایف آئی آر نا خارج کننگ کن دائر درخواست آ سماعت کن جسٹس علی باقر نجفی آ گدرفے و سماعت ءِ 22 فروری اسکان پدبٹے۔ جسٹس شہباز رضوی دائر درخواست آسماعت کرے۔ سماعت اٹی عدالت ءِ پارے کہ داوڑنا کیس جسٹس علی باقر نجفی نا عدالت اٹی زیر سماعت ءِ ہراڑآ فاضل جج درخواست ءِ سماعت کن جسٹس علی باقر نجفی آ گدریفے و کیس انا سماعت ءِ 22 فروری اسکان پدبٹے۔ لاہور ہائیکورٹ اٹی دائر درخواست اٹی موقف اختیار کننگانے کہ درخواست گزار خاورمانیکا غا اینٹی کرپشن قبرستان نا ڈغار آ کوزہ نا مقدمہ دائرکریسس، ہراٹی خاور مانیکا نا ضمانت مسنے ولے اینٹی کرپشن تون کیس داسہ ہم نوشتہ ءِ ، خواست ءِ کہ عدالت ہندا کیس انا ایف آئی آر ءِ خارج کننگ نا پرمان جاری کے۔
