اسلام آباد۔ 16 فروری (اے پی پی) چین اٹی پاکستان نا مسکوہی سفیر خالد مسعود پارینے کہ چین تینا رفتار آ شونداری نا ہدف آتے دوئی کننگ ءِ و دنیا ءِ تینا آزموندہ غاتیان فائدہ ہرفنگ نا سلہ ہم خلنگ ءِ۔ اوداہیت ءِ جمعہ نادے آ چائنا میڈیا گروپ اردو سروس تون خصوصی انٹرویوٹی پارے۔ اوپارے کہ چین پاکستان تون تاریخی سنگتی نا درشانی ءِ داوڑاٹ کرے کہ ہراتم نن مشکل نا گواچی ئسن، بجلی نا تنکی تینا انتہاء آ ئس تو چین پاکستان اٹی نئے بیرہ براہ راست زرکاری کرے بلکن چین پاکستان اقتصادی راہداری کون آ تاریخی ڈٹ آتا بنداوءِ تخا ہرانا بھرمک اینو پاکستانی الس اسکان سرمننگ بناکرینو، لکھ آمخلوق ءِ براہ راست روزگار دوئی مس، پاکستان افرادی قوت نا کاریم نا کچ اٹی ودکی مس، پاکستان نا صنعت آتا اپ گریڈیشن مس، پاکستان نا انفراسٹرکچر گچین مس ہرانا سوب آن پاکستانی خلقی علاقہ غاک شونداری نا دنگ اٹ اوار مسر و انسانی زند انا آب اٹ قابل ذکر گچینی رونما مس۔
