اسلام آباد۔ 16 فروری (اے پی پی) جہانی مالیاتی فنڈ(آئی ایم ایف) پارینے کہ نن اسہ تکنیکی انقلاب اسے نا دنگ آٹی اُن ہرا پیدواری لائخی ءِ ترند کننگ کیک، جہانی شونداری و مچ آ دنیا ٹی کٹیا ءِ ہم ودفنگ کیک، ایلو کنڈآ دا ملازمت آتا جاگہ ءِ ہلنگ کیک و عدم مساوات ءِ پین گہرا کننگ کیک۔ آئی ایم ایف تینا اسبہ بلاگ اسے ٹی پارینے کہ مصنوعی ذہانت (اے آئی) نا ترند رفتار پیش رفت دنیا ءِ تینا سحراٹی پلویڑکرینے ہرا جم و جوش و خطرہ غاتا سوب ءِ و جہانی زرگزران آ دانا ممکنہ اثرآتا بارواٹی اہم سوج ہرفنگ انگ ءِ۔ جہانی زرگزران آ اونا خالص اثرنا اندازہ خلنگ مشکل ءِ انتئے کہ مصنوعی ذہانت نا بشخ کیہی پیچیدہ وڑتے اٹ چندی زرگزران نا کمک اٹ تالان مریک۔ آئی ایم ایف دا پت انا درشانی ءِ کرے کہ انسانیت نا فائدہ کن مصنوعی ذہانت نا گیشتر لائخی آن رکھ وڑٹ فائدہ ہرفنگ کن پالیسی سازی نا گرج مریک۔
