اسلام آباد۔ 16 فروری (اے پی پی) نیشنل ڈیفنس یونیورسٹی نا مسکوہی صدر لیفٹیننٹ جنرل (ر) عامر ریاض سپیس، سائبر و (اے آئی ) مصنوعی ذہانت کون آبشخ آتیٹی بروک آ بھلا بدلی تتون ہم گرنچ مننگ نا گرج آ زور شاغسا پارینے کہ روایتی جنگی حکمت عملی تیکن پوسکن آ ٹیکنالوجی تا اثرآتے پورو وڑاٹ اوار کننگے۔ او سینٹر فار ایرو سپیس اینڈ سیکورٹی سٹڈیز(کاس) ، اسلام آباد نا کنڈآن سویلی ایشیاٹی جنگ انا کڑد آ پوسکن آ ٹیکنالوجی نا اثرآتا سرحال آ اڈہلوک سیمینار آن تران کریکہ۔ سیمینار اٹی دفاع، ٹیکنالوجی و تعلیمی بشک آتا پنی آ چاہندار آک بشخ ہلکر۔ کیس اسلام آباد نا سینئر ڈائریکٹر ایئرمارشل(ر)فاروق حبیب بطور ماڈریٹرسیمینار نا بناءِ کرسا دفاعی گرج اکن ٹیکنالوجی نا اہمیت ءِ تالان کرے۔ اومستی پارے کہ دا رداٹ پاکستان نا دفاعی بشخ ءِ تینا برتری قائم تخنگ کن ٹیکنالوجی نا دوئی کننگ کن ہرممکن کوشست کننگے۔ داوخت آ سٹریٹجک سٹڈیز نا ماہر فواد ظہیر پارے کہ فضائی طاقت اٹ پوسکن آ ٹیکنالوجی انٹم کپیوٹنگ، و مشین لرننگ نا ودکی آن اسہ انقلاب اس بسنے۔
