اسلام آباد۔ 16 فروری (اے پی پی) وزیراعظم نا خصوصی کمکار انسانی حق و شونداری نسواں مشعال حسین ملک تینا اَرے و جے کے ایل ایف نا چیئرمین محمد یاسین ملک تون بھارتی کمامدارآتا غیر انسانی رویہ نا ترند انگا لوز آتیٹی مذمت ءِ کرساپارینے کہ یاسین ملک نا جون ءِ بھاز خطرہ ءِ، انسانی حق انا جہانی ادارہ غاتیان خواست ءِ کہ او بھارت نا غیرکانودی کوزہ ٹی جموں وکشمیر نا الس نا پنی آ آجوئی پسند سیاسی راہشون نا نہادی جون ءِ بچفنگ کن نیام تمر۔ جمعہ نادے آجاری اسہ بیان اسے ٹی مشعال ملک پارے کہ یاسین ملک عدالتی پرمان تیان پد ہم جوان درمان کن ہسپتال آدننگ اٹ تاخیری چم و کمامدارآتا غیرانسانی رویہ نا برخلاف احتجاجا دوائی تا ہلنگ ءِ بند کرینے ہرانا سوب آن اونا جان جوڑی داوخت آ گڑتی نا حداسکان بگڑینگانے۔ اوپارے کہ یاسین ملک ءِ خلوک آ پیس میکر نا میعاد چُٹنگ آن پد ناکارہ مسنے ہراڑآن اونا جون ءِ بھاز خطرہ ءِ، یاسین ملک است انا تکلیف آن بیدس بِک آتا مرض اٹی ہم اختہ ءِ وخت اس کہ پک حوال آتا رداٹ یاسین ملک نا جونی وزن اٹی ہم بھلو حداسسکان کمتی واقع مسنے ہراکہ گڑتی نا سوب ءِ۔
