اسلام آباد۔15فروری (اے پی پی): ادارکی بنجاھی وزیر توکی کار ءُ تجارت ڈاکٹر گوہر اعجاز ءَ گوشتگ کہ ایف ل آئی اے ءَ را استیں وھد ءِ لوٹ آنی رد ءَ جوڑ کنگ ءِ واستہ منصوبگ آنی بنگیج وشیں گپ اِت۔ ڈن ملک ءَ نندوکیں پاکستانی مئے میراس انت ایش ملکی دیمروئی ءَ ارزشتی ایں کرد ءِ پیلو کنگ ءَ انت، پبلک سروس ڈیلیوری ءَ را گہتر جوڑ کنگ ءِ واستہ توامیں آسراتی آناں کارمرز کنگ بہ بیت۔ آ پنچ شمبے ءِ روچ ءَ ایف آئی اے ءِ تر ءُ تاب ء ؐوہ ءَ ڈی جی ایف آئی اے احمد ا سحاق جہانگیر ءَ وزیر ءِ توکی کار ءَ را وش اتک کت۔ ایف آئی اے ھیڈ کوارٹر ءَ آیگ ءِ پد ءَ ادارکی وزیر توکی کار ءَ را ایف آئی اے ءِ ورنا آں سلامتی پیش کت۔ ایشی ءَ چہ پد بنجاھی وزیر ءَ ایف آئی اے کارندہ آنی مزن تکی دیوان ءِ پاگواجئی کت ادا آئی ءَ را ادارگ ءِ کار آنی ھوالگ ءَ بریفنگ دیگ بوت۔ دیوان ءَ ایف آئی اے ءِ توامیں ایڈیشنل ڈائیریکٹر جنرلز، ڈائریکٹرز ءُ ایندگر ٹوھیں اپسرگ آں بھر زوری کت۔
