چوہدری احمد جواد ایف پی سی سی آئی نا مرکزی قائمہ کمیٹی کشت وکشار 2024-25کن کنوینر مقرر

اسلام آباد۔ 15 فروری (اے پی پی) فیڈریشن آف پاکستان چیمبرز آف کامرس اینڈ انڈسٹری نا صدر عاطف اکرام شیخ کشاری بشخ اٹی گیشتر آزموندہ نا رداٹ چوہدری احمد جواد ءِ ایف پی سی سی آئی نا مرکزی قائمہ کمیٹی کشت وکشار 2024-25کن کنوینر مقرر کننگانے۔ فیڈریشن آف پاکستان چیمبرز آف کامرس اینڈ انڈسٹری دا بابت باضابطہ نوٹیفکیشن ہم جاری کرینے۔ داکان مست چوہدری محمد ذکاء اشرف دا منصب آ ئس۔ ایف پی سی سی آئی نا صدر عاطف اکرام شیخ پارےکہ احمد جواد نا کماشی ٹی پبی سلاہ و سوج تیان فیڈریشن ءِ کشاری بشخ انا ویل آتے حکومت تون ہرفنگ اٹ کمک رسینگک۔ اوپارے کہ پدریسہ ودوک آ آبادی نا رداٹ پاکستان ءِ کشت وکشار نا بشخ اٹی کم و ود 5 درسد پدریسہ سالانہ شونداری نا گرج ءِ۔ اوپارے کہ پاکستان عمودی و افقی ہڑتوم آوڑتے اوار کرسا کم وود 22 ملین ایکڑ ڈغار ءِ دسنگ نا قابل کننگ نا لائخی تخک۔ عاطف اکرام شیخ کشت وکشارپارے کہ کشت وکشار نا بشخ ءِ بیرہ نیزگارآتیکن خور فراوان کروک آ کسب نا وڑاٹ ہُننگ نا جاگہ غا، نن اودے اسہ انجن اسے نا وڑاٹ بایدے ہُرن  ہرا بروک آ منہ دہائی اسکان زرگزرانی شونداری ءِ مون آ دننگ کیک۔