اسلام آباد۔ 15 فروری (اے پی پی) پاکستان و کامن ویلتھ آف ڈومینیکا باضابطہ وڑاٹ سفارتی تعلقداری قائم کرینو۔ دفترخارجہ نا ترجمان ممتاز زہرہ بلوچ پنچ شنبےنادے آ داڑے ہفتہ وار پریس حوال اٹی پارے کہ ہڑتوم آ ملک آتا نیام اٹ تعلقداری تے باضابطہ کننگ نا اسیجائی اعلامیہ غا اقوام متحدہ ٹی پاکستان نا آخبتی نمائندہ سفیر منیر اکرم و اقوام متحدہ ٹی ڈومینیکا نا آخبتی نمائندہ سفیر فلبرٹ آرون دستخط کرینو۔ اوپارے کہ دا فیصلہ پاکستان نا تینا سفارتی رسینگ ءِ ودفنگ و مچ آ دنیا نا ملک آتون کمکاری ءِ ودفنگ نا پکا عزم انا عکاسی ءِ کیک۔
