اسلام آباد۔ 15 فروری (اے پی پی) پاکستان و روس جہانی سلامتی، علاقائی سوگوی و سلہہ غاتا کنٹرول ، سلہہ غاتا چٹفنگ و بے تالانی نا چندی پلوآتیا گپ وتران کرینو۔ داہیت ءِ دفترخارجہ نا ترجمان ممتاز زہرہ بلوچ پنچ شنبے نادے آ داڑے پریس حوال اٹی پارے۔ اوپارے کہ تزویراتی سوگوی آ پاکستان و روس انا سلابتی گروپ نا 14 می دور 7 فروری آ مس ہرانا اسیجائی کماشی …
پاکستان و روس جہانی سلامتی ، علاقائی سوگوی و سلہہ غاتا چٹفنگ و بے تالانی نا چندی پلو آتیا گپ وتران کرینو، دفترخارجہ نا ترجمان ممتاز زہرہ بلوچ نا پریس حوال
گیشتریں ھال
اسلام آباد۔ 15 فروری (اے پی پی) پاکستان و روس جہانی سلامتی، علاقائی سوگوی و سلہہ غاتا کنٹرول ، سلہہ غاتا چٹفنگ و بے تالانی نا چندی پلوآتیا گپ وتران کرینو۔ داہیت ءِ دفترخارجہ نا ترجمان ممتاز زہرہ بلوچ پنچ شنبے نادے آ داڑے پریس حوال اٹی پارے۔ اوپارے کہ تزویراتی سوگوی آ پاکستان و روس انا سلابتی گروپ نا 14 می دور 7 فروری آ مس ہرانا اسیجائی کماشی ءِ ایڈیشنل سیکرٹری خارجہ(آرمز کنٹرول و تخفیف سلہہ) محمد کامران اختر و روسی نائب وزیرخارجہ ایس اے ریابکوف ئسک کریر۔ ترجمان پارے کہ فریق آک جہانی سلامتی ، علاقائی سوگوی و سلہہ غاتا کنٹرول ، سلہہ غاتا چٹفنگ و بےتالانی نا چندی پلو آتیا گپ وتران کریر۔ اوپارے کہ حیاتیاتی، خلائی و معلوماتی رکھ اتون اوار اوار پوسکن و مون آ بروک ٹیکنالوجیز بشمول مصنوعی ذہانت نا فوجی کاریم اٹ اتنگ آ ہم گپ وتران کننگا۔
