کوئٹہ۔ 14 فروری (اے پی پی) نگراں صوبائی وزیر حوالکاری جان اچکزئی پارینے کہ حکومت سازی نا عمل الیکشن آن پد جوانی اٹ ایسر مسنے، مینڈیٹ ءِ امنا کننگ جمہوریت نا سرسہبی و الس نا سرسہبی ءِ۔ داخیال آتا درشانی ءِ او چارشنبے نادے آ سول سیکرٹریٹ اٹی پریس کانفرنس کرسا کرے۔ صوبائی وزیر حوالکاری جان اچکزئی پارے کہ الیکشن نا کمک اٹ بلوچستان نا الس تینا فیصلہ ءِ بنفینے، قوم پرست جماعت آتے خاص سرسہبی ملیتو ہرا پارٹی تے اگہ گڑتی ارے ، او عدالت تون رجوع کیر ، بلوچستان نا قوم پرست جماعت آتیان خواست ءِ لس مخلوق نا مشکل آتے ہرسا نیشنل ہائی وے تون اوار غٹ کسر تیان برانز ءِ چٹفر۔ کسر تیا اڑاند و ٹریفک ءِ بند کننگ آن لس شاری تا مشکل آک کم مننگ نا جاگہ غا ودنگ ءُ۔ اسہ سوج اسے آ نگران وزیر حوالکاری نا پاننگ ئس انتطامیہ الس نا آسراتی کن غٹ کسر تے ملفنگ ءِ ہم ۔ غٹ جماعت آتیان خواست ءِ مسافر، زالبول، بزرگ ، ناجوڑ بندغ و چناتا فریشانی نا احساس ءِ کرسا شاہراہ و کسرتے بند کننگ نا چرجوئی ءِ چٹفر۔
