لاہور۔ 14 فروری (اے پی پی) لاہور نا احتساب عدالت ن لیگ نا صدر شہباز شریف و حمزہ شہباز نا برخلاف رمضان شوگرملز ریفرنس نا سماعت 12 مارچ اسکان پدبٹے۔ عدالت بروک آ سماعت آ حمزہ شہباز نا حاضری آن آخبتی معافی نا دائر درخواست آ وکیل آتیان دلیل بٹنگا۔ احتساب عدالت نا جج علی ذوالقرنین اعوان ریفرنس آ چارشنبے نادے آ سماعت کرے۔ شہباز شریف نا نمائندہ انوار حسین ایڈووکیٹ حاضری ءِ پورو کرفے۔ عدالت شہباز شریف ءِ حاضری آن آخبتی استثنیٰ تسنے وخت اس کہ حمزہ شہباز عدالت اٹی پیش متو و اونا کنڈآن حاضری آن اسہ دے انا معافی نا درخواست اس دائر کننگا ہرادے عدالت منظور کرے۔ عدالت حمزہ شہباز نا حاضری آن آخبتی معافی نا درخواست آ دلیل بٹنگسا مستی سماعت ءِ 12 مارچ اسکان پدبٹے۔
