جاک ءُ کوکار ءُ سڑک  آنی بندش   ءَ چہ گہتر انت کہ   آ   ریزلٹ آں  قبول  بکن اَنت،  ظہور  بلیدی

کوئٹہ۔ 14 فروری (اے پی پی):پاکستان پیپلزپارٹی  ءِ   سروک   نوک  گچین بوتگیں   اسمبلی  ءِ باسک   ظہور  بلیدی  ءَ گوشتگ کہ  پاکستان   پیپلز  پارٹی  ءِ سر ءَ    ایراد گرگ  بے سر ءُ  پاد انت،  جاک  ءُ  کوکار  ءُ سڑک آنی بندش   ءَ چہ  گہتر  اِنت  کہ  نتیجگ   آناں  قبول  کنگ بہ یت۔ اے  ھیالانی درشانی آئیءَ اے  پی پی  ءَ گوں  تران  کنان ءَ  کت ظہور  بلیدی   ءَ گوشتگ کہ ضلع  کیچ  ءِ الس آنی شگر ءُمنت وار آں  کہ  آواں  مئے سر ءَ  دل  یکیمی  ءِ درشان  کتگ۔  کوشست کناں  کہ وتی  حلقہ   ءِ الس آنی   امیت     ءُ اوست آناں  پیلو  کت بکناں۔   آءی ءَ گوشت کہ بلوچستان   ءَ چہ پاکستان پیپلز  پارٹی ءِ مزنیں کساس ءَ گوں  کامیاتی  در جتگ۔  پیپلز  پارٹی  ءَ را   وھد ءِ  سروکی  رستگ    آئی  ءَ مزور ءُ کسانیں تبک ءِ  مردم آناں ریلیف  داستگ۔  آئی ءَ  گوشت  کہ بلوچستان    ءِ الس  آں  راج  دوست آناں  آوانی  کرد ءِ  بنیات ءَ   رد  کتگ۔  ما  آیوکیں وھد ءَ  صوبگ ءِ گہتری  ءِ  واستہ کار کناں۔  آئی ءَ گوشت  کہ لس  گچین کاری   آنی ھوالگ ءَ    چہ پارٹی  ءِ سر ءَ اچ رنگیں   ایراد  سگ ءُ  اوپار  نہ کناں۔