سڑک  بند  کنگ ءِ مٹ  ءَ    ریزلٹ آناں  قبول  بکن  انت    السی  مینڈیٹ  ءَ را  بہ من  اَنت،  نوک گچین  بوتگیں صوبائی اسمبلی  علی مدد  جتک

کوئٹہ۔ 14 فروری (اے پی پی):پاکستان پیپلزپارٹی  ءِ   نوک  گچین  بوتگیں صوبائی    ءُ راجی اسمبلی ءِ باسک   آں  گوشت کہ  لس  گچین  کاری  ساپ ءُ سلہ ئی   ءَ گوں   بوتگ انت،  صوبگ  ءِ سیاسی   راج  دوستیں  پارٹی    آناں  الس  آں  یک  کر  کتگ،  سڑک  بند  کنگ ءِ مٹ  ءَ   نتیجگ آں  قبول  بکن  انت ءُ السی  مینڈیٹ  ءَ را بہ من  اَنت۔  ھما سیاسی پارٹی  آناں سما  بیت  کہ  گچین کاری  ءَ   دھاندلی بوتگ   گڈا  آ کانودی  کار رپک  وتی  بکن انت  آمید  گس آں گوں  نزیکی  بکن اَنت۔  اے ھیالانی درشانی  آئی  ءَ پاکستان    پیپلز  پارٹی  ءِ نوک  گچین  بوتگیں   صوبائی  اسمبلی علی مدد  جتک،  عبیداللہ  گورگیج،  عبدالصمد  گورگیج ءَ  نوک  گچین بوتگیں   راجی اسمبلی    ءِ   باسک نوابزادہ  جمال  رئیسانی ،  ملک شاہ گورگیج ءُ  پارٹی   ءِ صوبائی سیکرٹری اھوالکاری سردار  سر بلند خان  گوگیزئی ءُ سرداسر عمر گورگیج ءِ  ھمبراھی  ءَ   چا رشمبے  ءَ کوئٹہ  پریس  کلب  ءَ  پریس  کانفرنس    کنان ءَ  گوشت۔  اے موہ ءَ نوک  گچین بوتگیں باسک   صوبائی اسمبلی حاجی علی مدد  جتک  ءَ گوشت  کہ گچین کاری  آنی  ھوالگ ءَ راج   دوستیں  پارٹی    آنی  نیمگ ءَ  چہ پیپلز  پارٹی  ءِ سر ءَ  جتگیں  بھتام  بے  سر  ءُ پاد انت،  ساپ ءُ سلہ ئیں الیکشن   بوتگ انت۔  راج  دوست آناں الس آں  یک کر کتگ  ایشاناں لوٹ ائیت کہ آ  الس  ءِ کرا  بہ رونت  ءُ  وتی کوتاہی  آں دور  بکن اَنت۔