اسلام آباد۔14فروری (اے پی پی): بنجاھی وزیر کزبی کار ءُ ھیل کاری مدد علی سندھی ءِ سروکی ءَ چار شمبے ءَ بنجاھی وزارت وانگ ءُ زانگ ءَ ارزشتی ایں دیودان ءِ برجم دارگ بوت۔ دیوان ءَ ڈی جی ایف ڈی اے ءُ ایچ ای سی ءِ کلانہ ایں نماھندگ آں ابید وزارت وانگ ءُ زانگ ءِ کلانہ ایں کارندہ ھم ساڑی اتنت۔ بنجاھی وزیر وانگ ءُ زانگ مدد علی سندھی ءَ را را ایچ ای سی ءَ پرائیویٹ ممبر زبل “دی سمارٹ انسٹی ٹیوٹ آف سائنس اینڈ ٹیکنالوجی (مٹ ءُ بدلی ) بل 2023” ءِ بابت ءَ بریفنگ دات۔ آئیءَ را گوشگ بوت کہ ایچ ای سی یونیورسٹی ٹیچر آنی واستہ سروس سٹرکچر ءُ پروموشن پالیسی تیار کنگ ءَ انت۔ ڈی جی لایف ڈی ای ءَ بنجاھی وزیر ءَ را یف ڈی ای ءِ ٹیچر ءِ ھیل کاری ءِ ھوالگ ءَ بریفنگ دات۔ مدد علی سندھی ءَ اے وھد ءَ اسلام آباد ءَ کیمبرج سسٹم ءِ چیر دستی ءَ ’’اے‘‘ ءُ ’’او‘‘ لیول ءَ وانوکیں نودربر آنی کساس ءِ بابت ءَ گوشگ بوت۔ بنجاھی وزیر ءَ را گوشگ بوت کہ ا سلام آباد ءَ آوانی کساس 6 ہزار انت۔ مدد علی سندھی ءَ ایچ ای سی ءُ ایف ڈی ای ءَ را پالیسی ءِ جوڑیشت ءُ اے رنگیں منصوبگ آنی پد ءُ رندی ءَ را ترند کنگ ءِ حکم دات۔
