لاہور۔13فروری (اے پی پی): پاکستان ءَ ہوار سرجمیں دنیاءَ ریڈیو ءِ میاں اوستمانی روچءَ سئے شمبے ءِ روچءَ گوازینگ بوتگ۔ اے روچءِ گوازینگءِ مول ءُ مراد ٹیکنالوجی ءِ اے نوکیں دورءَ حال ءُ معلومداری ءِ ھاترءَ ریڈیوءِ ارزشتءَ پدر کنگ اِنت۔ سرجمیں پاکستان ءَ درائیں ریڈیو اسٹیشن آں میان اوستمانی موہ ءَ جتاہ جتاہیں مراگش شنگ کنگ بوتگ کہ آیانی تہا ریڈیو پاکستان ءِ ارزشت پدر کنگ بوتگ۔ اے جدیدیں دورءَ ہم ریڈیو پاکستان ءِ ارزشتءِ تہا ایچ وڑیں کمی نیاتکگ۔ شہرءُ دورءُ دراجیں دمگاں ہم مرچی ہم حالءُ معلومداری ءِ ھاترءَ ریڈیو پاکستان اُلسءِ تہا باز نامدار اِنت۔
