اسلام آباد۔13فروری (اے پی پی):مہمند ڈیم پراجیکٹ ءِ ڈائی ورشن سسٹم شیڈول ءِ ردءَ کار سرجمی ءِ نزیک ءَ ایں ء ُ اپریل ءَ ڈیم سائٹ ءِ سرءَ سوات کورءِ دیم تر اِینتگ۔ چیئرمین واپڈا انجینئر لیفٹیننٹ جنرل سجاد غنی (ریٹائرڈ) ءَ خیبر پختونخوا ءِ ضلع مہمند ءَ سوات کور ءِ سرءَ جوڑ بوھوکیں مہمند ڈیم پراجیکٹ ءِ ترءُ تاب کتگ۔ واپڈا چیئرمین ءَ منصوبہ ءِ سپل وے، ڈائی ورشن ٹنلز ءُ پاورگس ءَ ہوا ر بازیں سائٹس آنی ترءُ تاب کتگ ءُ کارانی چارءُ تپاسی کتگ۔ ایڈوائزر (پراجیکٹس) واپڈا، جنرل منیجر/ پراجیکٹ ڈائریکٹر مہمند ڈیم، کنسلٹنٹس ءُکنٹریکٹر آنی نمائندگ ہم اے موہ ءَ ساڑی بوتگ اَنت۔ مہمند ڈیم پراجیکٹ ءِ 12 سائٹس آنی سرءَ یک وہدءَ تعمیراتی کار بوہگءَ اِنت۔ پراجیکٹ انتظامیہ ءَ بریفنگ ءِ تہا چیئرمین واپڈ اءَ را شنگ کتگیں تعمیراتی کارانی معلوم داری داتگ کہ آیانی تہا ڈائی ورشن سکیم ءِ سرءَ کار، سپل وے ءِ سرءَ کنکریٹءِ کار ءُ پشتی نیمگءَ را محکم کنگءِ کار، پاور گس ءِ پُشتی نیمگءَ کنڈ جنگءُ مضبوط کنگ، اری گیشن ٹنلزءِ در روپگ، اری گیشن ءِ بازیں سٹرکچرز جوڑ کنگءُ سوات ءِ دریا ء ِ دوئیں کشاں رابطہ دگانی ھاترءَ تعمیراتی کار ہوار اَنت۔ شونست ءِ تہا واپڈاءِ چیئرمین ءَ را حال دیئگ بوتگ کہ منصوبہ ءِ کارگسءُ سٹافءِ نوکیں تعمیرکتگیں پراجیکٹ کارگس ءَ برگ بوتگ اَنت۔آئی ءَ گشتگ کہ مہمند ڈیم پراجیکٹ یک انچیں پراجیکٹ اِت کہ آئیءِ مولء ُ مراد باز اَنت کہ ایشی ءَ چہ کشتءُ کشار یءِ ھاترءَ آپ مُچ کنگ بیت، ھورءُ ھارءِ گرءُ دارءَ کمک رسیت، پشار شہرءَ را ورگی ساپیں آپ رسیت ء ُ ارزانیں پن بجلی ودی بیت۔ منصوبہ 2026 ءَ سرجم بیت۔ مہمند ڈیم ءَ 1.29 ملین ایکڑ فٹ آپ جم کنگ بوت کنت کہ ایشی ءَ چہ مہمند ءُ چارسدہ ءِ ضلع آں 18 ہزار 237 ایکڑ نوکیں زمین ءِ سرءَ کشتءُ کشاری کنگ بیت ءُ یک لکھ 60 ہزار ایکڑ انوگیں زمین ءِ ھاترءَ ہم گیشیں آپ دست کپیت۔ مہمند ڈیم 800 میگاواٹ بجلی پیداک کُت کنت، منصوبہ ءَ چہ نیشنل گرڈ ءَ را سالے 2 ارب 86 کروڑ یونٹ بجلی دیئگ بیت۔ منصوبہ ءَ چہ پشاور شہر ءَ را روچے 300 ملین گیلن آپ دیئگ بیت۔ مہمند ڈیم پراجیکٹ ءِ سالے 51 ارب 60 کروڑ کلدارءِ پائدگ دات کنت۔
