حال ءُ اھیوال  کاری ء ِ بنجاہی وزیر مرتضیٰ سولنگی ءَ ریڈیو ءِ میاں اوستمانی ردءِ درگتءَ ریڈیو پاکستان ءَ انگزیزی زبان ءَ  حال ونتگء ُ نوکیں راج دپترے جوڑ کتگ۔ ریڈیو پاکستان ءَ دائم ءَ راجی یکوئی ء ُ وت مہ وتی ءَ را گیش کنگءَ  جوانیں کرد پیلو کتگ، مرتضیٰ سولنگی

اسلام آباد۔13فروری  (اے پی پی): حال ءُ اھیوال کاری ء ُ شنگکاری ءِ بنجاہی وزیر مرتضیٰ سولنگی ءَ سئے شمبے ءِ روچءَ ریڈیو ءِ  میاں اوستمانی روچءِ موہءَ ریڈیو پاکستان ءَ انگریزی حال  ونتگء ُ نوکیں راج دپترے جوڑ کتگ۔ بنجاہی وزیر ءَ گشتگ کہ ریڈیو    پاکستان ءَ نیم روچءَ یک حالے ونتگء ُ اے کلوہ داتگ کہ حکومت ریڈیو ءَ را حال رسانکی ءِ حاسیں وسیلگے لیک ایت۔  حال ءُ اھیوال کاری وزارت ءِ اے گامگیج اے گپ ءِ عکشی ءَ کنت کہ حکومت ءَ  ریڈیو ءِ  شنگء ُ تالانی ءَ را گیش کنگءِ ھاترءَ  جزم کتگ۔ بنجاہی وزیر ریڈیو پاکستان ءِ  پوڈ کاسٹ پروگرام ءَ  ہوار بوتگ۔ اے موہ ءَ گپء ُتران کتگء ُ بنجاہی وزیر ءَ گشتگ کہ حکومت ءَ ریڈیو پاکستان ءَ را  گیش  محکم ءُ نزیکی ءِ یک جوانیں ءُ اثرمندیں وسلیگ جوڑ کنگءِ جزم ءِ درشانی کتگ۔ آئیءَ گشتگ کہ حکومت پاکستان ءَ ڈیجیٹل ریڈیو ءِ نشریات ءَ را گیش کنگءِ ھاترءَ کار کنگ ءَ اِنت۔ زانگ بہ بیت کہ ریڈیو پاکستان ملک ءِ درستاں چہ مستریں ء ُ درستاں چہ کّون تریں  شنگ کاری ادار گ اِت کہ ایشی ءَ را جتاہ  جتاہیں زبان گوشوکیں مردم گوش داراں ۔ ریڈیو  ءِ میاں اوستمانی روچ ہمک سال 13 فروری ءَ گوازینگ بیت۔