اسلام آباد۔12فروری (اے پی پی): ادارکی مزن وزیر انوارالحق کاکڑ ءَ گوشتگ کہ ملک ءَ لس گچین کاری آزاتی ءَ گوں ءُ ساپ ءُ سلہ ئی ءَ گوں بوتگ انت، گچین کاری آنی جار ءِ جنگ ءَ مھتلی بوتگ ایشی ءِ مول ءُ مراد اچبر ایش نہ انت کہ دزئی بوتگ، پاکستان ءَ ناشرکاری ءِ جیڈھ است، موبائل فون سروس الس آنی رکھینگ ءِ واھستہ بند کنگ بوتگ۔ جیڈھ آں ابید جمہوری رپک وشیں گپ ات۔ گچین کاری آنی برجائی ءَ سیکورٹی ادارگ آں ارزشتی ایں کرد ءِ پیلو کتگ۔ ناشرکاری ءِ ھوپ ءَ ابید ایمنی ءَ گوں گچین کاری بوتگ انت۔ ایمنی ءَ گوں جاک کنگ سیاسی باسک آنی ھک انت بلے کجام نہ وشیں کار ءُ گپ ءُ کشاں چیل ءِ موہ نہ دیاں۔ الیکٹرانک ووٹنگ مشین ءِ وسیلگ ءَ گچین کاری ءِ پیسلہ آیوکیں پارلیمان کنت انت۔ اے ھیالانی درشانی آئی ءَ دو شمبے ءَ پریس کانفرنس ءَ گوں گشتانک دیان ءَ کت۔ ادارکی مزن وزیر ءَ گوشتگ کہ گچین کاری ءِ ساھت ءَ میاں اوستمانی گشتانکار ساڑی بوتگ انت۔ گچین کاری آسر اے رند ءَ 36 کلاک ءَ رد ءُ بند بوتگ انت ءُ 2018 ءَ 66 کلاک آنی تہ ءَ رد ءُ بند بوتگ انت۔ 92 ہزار پونگ سٹیشنز آناں ساپ ءُ سلہ جوڑ کنگ ءِ واستہ ٹوھیں بندوبست کنگ بوتگ۔ سوشل ءُ ڈیجیٹل میڈیا ءِ سر ءَ گچین کاری آسر آنی ھوالگ ءَ دروگیں ءُ بٹاکیں باست ءُ واست کنگ بوتگ۔ الیکشن کمیشن ءِ ارچی زمہ واری بوتگ آئی ءَ سرجمی ءَ گوں پیلو کتگ۔ آئی ءَ گوشت کہ موبائل فون سروس بند بوھگ ءَ ابید براڈ بینڈ انٹر نیٹ سروس ءِ آسراتی سرجمیں ملک ءَ ساڑی بوتگ۔ موبائل فون سروس وا محرم الحرام ءِ ساھت ءَ بند کنگ بنت۔ 8 فروری ءَ بند بوھگ نوکیں گپ ءِ نہ بوتگ۔ اے وڑ پیسر ءَ ھم ادا بوتگ۔ گچین کاری آسر آنی جار ءَ را مھتل کنگ ءِ بزانت دزئی نہ انت۔ گچین کار آنی ریزلٹ ءَ را متھلی ما سگ ءُ اوپار کناں ، بلے ناشرکاری ءَ را ما سگ ءُ اوپار کت نہ کناں۔ ملک ءَ 92 ہزار ءَ چہ گیچ پولنگل سٹیشنز جوڑ کنگ بوتگ آر او کارگس ءُ الیکشن کمیشن ءِ کارگس ءَ گوں بندوک کنگ بوتگ۔ اے توامیں کار کمو وھد ءِ واستہ بوتگ انت۔ ایش ھمک الیکشن ءَ چہ پد گپ کنگ بنت۔ 35 پنکچرز ءُ پدا رند ءَ ایشرا یک سیاسی بیان ءِ نامینتگ؟ آ وھد ءَ یک آمید گسی کمیشن ءِ جوڑ بوتگ بلے پدا ایشی ءِ پد ءَ چے بوتگ؟ آئی ءَ گوشت کہ برطانیہ، امریکہ ءُ یورپی یونین مئے دوست ملک انت بلے بد بھتی ءَ ایشانی اول سرئی باست ءُ واست سوشل ءُ ڈیجیٹل میڈیا ءَ داستگیں مالوم داری آنی رد ءَ بوتگ انت، زمہ وار حکومت انتظام ءَ چہ پد وتی بن گپ ءَ بہ زور انت گڈا گہتر بیت انت۔ اگاں ما پٹ ءُ پول کنگ لوٹ ائیت گڈا ما اے وڑ امریکہ ، برطانیہ ءُ یورپی یونین ءِ لوٹ اے رنگ نہ بیت بلکینگ ءَ وتی کار رپک ءِ رد ءَ کن انت چیا کہ آ وت مستریں ملک انت۔ اے وڑیں جیڈھ آنی گوما گر ءُ چیل بوھگ ءِ واستہ مئے وتی کانود ساڑی انت۔ اے وڑیں جیڈھ گڈا کیپٹل ہل ءَ ھم است انت۔ یک جستے ءِ پسو ءَ مزن وزیر ءَ گوشتگ کہ درستاناں وتی رویہ آنی سر ءَ ڈلگچار کنگ ءِ ضلورت انت، کسد ءُ کینگ ءَ را ھلاس کنان ءَ یک ءِ دومیگ ءِ شرپ ءُ ازت کنگ لوٹ ائیت، مارا نوں وتی جان سلامتیں مٹ ءُ بدلی ءُ جان سلامتیں مٹ ءُ بدلی ءُ جان سلامتیں پاکستان ءِ نیمگ ءَ گام جنگ جنگ لوٹ ائیت۔ یک جستے ءِ پسو ءَ مزن وزیر ءَ گوشتگ کہ دزئی ءِ بھتام جنگ آسان انت ایشانان سہرا کنگ مشکل بیت، گچین کاری کار ءَ توامیں سیاسی گل آناں لیول پلیئنگ فیلڈ دیگ بوتگ ات۔
