لاہور۔12فروری (اے پی پی): پیسرگیں مزن وزیر ء پاکستان مسلم لیگ (ن) ءِ صدر شہباز شریف ءَ گوں آزات گیچن اسمبلی ءِ پنچ باسکاں گندءُ نند کتگءُ مسلم لیگ نءَ ہوا ر بوہگءِ جار جتگ۔ مسلم لیگ(ن) ءِ بنجاہی جارچین مریم اورنگزیب ءِ گشگءِ ردءَ گندء ُ نند کنوکانی تہا این اے 189 ءَ چہ سردار شمشیر مزاری، پی پی 195 ءَ چہ عمران اکرم، پی پی 240 ءَ چہ سہیل خان، پی پی 297 ءَ چہ خضر حسین مزاریءُ پی پی 249 ءَ صاحبزادہ محمد گزین عباسی ہوار بوتگ اَنت۔ اے موہ ءَ شہباز شریف ءَ آزات باسکانی پارٹی ءَ ہوار بوہگءَ را وش اَتک کتگء ُ آیاناں مراد بات داتگء ُ گشتگ کہ ما شمئے جزبگاں ساڑاہاں، شما پاکستان ءَ را دیمروئی ء ُ وشھالی کنگءَ ءُ اُلسءَ را چہ جیڑہ ء ُ جنجالاں درکنگءِ قافلہ ءِ بہر جوڑ بوتگ اِت۔ شہباز شریف ءَ گشتگ کہ پاکستان مسلم لیگ (ن) ءِ اولی ایجنڈا ملک ء ُ راج ءِ معاشی وشھالی اِنت، پیسرءَچہ گیش اُلسءِ ازمتءَ کناں۔ اے موہ ءَ نوک گیچن بوتگیں باسکاں نواز شریف ء ُ شہباز شریف ءِ ملک ء ُ راج ءِ ھاترءَ ازمت ء ُ جزبگءَ را ساڑاتگء ُ گشتگ کہ پاکستان ءَ را نواز شریف ءِ وژن، دیمروئی ءِ ایجنڈاء ُ ازمتءِ تجروبتءِ ضلورت اِنت۔
