حیدرآباد۔ 12 فروری (اے پی پی):پاکستان پیپلز پارٹی ءِ حال رسانکی ءِ بنجاہی سیکرٹری، پیسرگیں بنجاہی وزیر شازیہ مری ءَ راجی اسمبلی ءِ حلقہ این اے۔ 209 سانگھڑ 1 سے ءَ چہ سوبمند بوہگءَ اُلسءِ شکرء ُمنت گپتگ ء ُ گشتگ کہ اُلسءَ 8 فروری ءَ گوں پیپلز پارٹی ءَ ہمراہ داری کتگء ُ جمہوریت دوستی ءِ ثبوت داتگ۔ وتی ویڈیو کلوہ ءِ تہا آئیءَ گشتگ کہ وتی سروکانی شکرء ُ منتءَ گپت کہ آیاں آئیءَ را اے لائق لیک اِتگء ُ آئی ءَ را راجی اسمبلی ءِ ٹکٹ داتگ۔ آئی ءَ گشتگ کہ اے یک مزنیں حلقہ اِت ءُ آ اُلسءِ شکرءُ منتءَ گپت۔ آئیءَ گشتگ کہ آ ءُ آئی ءِ پارٹی یکجاہ ہوار اے حلقہ ءِ مردمانی ازمت ءَ کنت۔ آئی ءَ گشتگ کہ سانگھڑ ضلع ءَ پاکستان پیپلز پارٹی ءَ گوستگیں 10 سالاں باز دیمروئی ءِ کار کنائینتگ ، ءُ اے رندءَ ہم دیمروئی کار کتگءُ گوستگیں ریکارڈ پروشتگ۔
