کوئٹہ۔ 12 فروری (اے پی پی):پاکستان مسلم لیگ (ن ) ءِ نوک گچین بوتگیں صوبائی اسمبلی ءِ باسک ءُ پیسرگیں صوبائی وزیر میرسلیم خان کھوسہ ءَ گشتگ کہ اُلسءَ مئے سرءَ یک رندے پدا اوست کتگء ُ دمگءِ دیمروئی ء ُ وشھالی ءِ تہا جوانیں راستیں گامگیج ءِ گوما ہمراہ داری کتگ، انشااللہ اُلسءِ اُمیتانی ردءَ گامگیج چست کناں، بجلی، وانگءُ زانگ، جانءُ سلامتی، آپ کشی، روڈنیٹ ورک ء ُ طبی آسراتی دیئگ ءِ ھاترءَ محکمیں گامگیج چست کنگ بیت۔ اے ھیالانی د رشانی آئی ءَ کھوسہ گس صحبت پور ءَ نصیر آبادءِ صحافیء ُ مراد بات دیئوکیں بازیں اُلسی ڈلاں گوں گپء ُتران ءَ کتگ۔ اے موہ ءَ مسعود احمد کھوسہ ڈپٹی ڈائریکٹر زراعت سعید احمد کھوسہ میاں خان خجک گورنمنٹ کنٹریکٹر ریاض احمد کھوسہ عطاء اللہ کھوسہءَ ہوار ایندگہ آفیسر ء ُ دمگ ءِ بہدار ساڑی بوتگ اَنت۔ میر سلیم خان کھوسہ ءَ گشتگ کہ ما ضلع صحبت پورءِ اُلسءِ باز شکرء ُ منتءَ گرآں کہ آیاں دمگءِ دیمروئی ء ُ وشھالی ءِ ھاترءَ راستیں پیسلہ کتگ ۔ ما اُلسءِ اوست ءَ را کدی ہم نہ پروشاں۔
