کوئٹہ۔ 12 فروری (اے پی پی):بلوچستان ءِ دمگ نصیر آباد ، جعفرآباد ،صحبت پور ءُ اوستہ محمدءَ چہ مسلم لیگ ن ءِ نوک گچین بوتگیں راجی اسمبلی ءِ باسک میر خان محمد جمالی ءَ گشتگ کہ لھس گچین کاری آں حلقہ ءِ اُلسءَ منی سرءَ اوستءِ درشانی کتگ کہ ایشی ءِ سرءَ من آیانی شکرء ُ منتءَ گرآں۔ اے ھیالانی درشانی آئی ءَ خان گڑھ ءَ مراد بات دئیوکیں بازیں ڈلانی گوما گپءُ تران کنان ءَ کتگ۔ اے موہ ءَ میونسپل کارپوریشن اوستہ محمد ءِ ڈپٹی میئر خان پلال، مسلم لیگ ن ءِ ڈویژن صدر میاں محمد حسین گولہ، عبدالکریم بمبل ء ُ شبیر احمد مستوئی ءَ ہوار ایندگہ مردم ہوا ربوتگ اَنت۔ آئی ءَ گشتگ کہ پارٹی ءِ سروک میاں نواز شریف ءَ ملکی معیشت ءَ را گہتر کنگءِ ھاترءَ جزم کتگ، انشااللہ آ روچ دور ناایں وہدے کہ ملک ءَ یک رندے پدا دیمروئی بیت۔ آئیءَ گشتگ کہ اُلسءَ را ایچ وڑءَ دلپروش نہ کناں، مردماناں آیانی چوکاٹءِ دپ ءَ آسراتی سرکنگ بیت۔
