پشاور۔ 10 فروری (اے پی پی) قطبی وزیرستان نا علاقہ میرانشاہ ٹی سم کاری آن مسکوہی قومی اسمبلی نا باسک محسن داوڑ ٹھپی مس۔ پولیس نا کنڈآن محسن داوڑ نا ٹھپی مننگ ءِ پک کننگانے و دابابت پاننگانے کہ محسن داوڑ نا مخ تف میران شاہ کینٹ گیٹ انا مون آ برانز کریرہ۔ مچی کروک آتا کنڈآن دوبہ خلنگانے کہ قطبی وزیرستان اٹی گچین کاری نتیجہ غاتیٹی تاخیر آبرانز کننگاکہ، پولیس سم کاری وآنسو گیس انا شیلنگ کرے۔ محسن داوڑ نا حالیت خطرہ غان پیش ءِ وخت اس کہ محسن داوڑ ءِ میرانشاہ ہسپتال آ گدریفنگانے، سم کاری آن محسن داوڑ نا گڑاس سنگت ٹھپی ہم مسنو، غٹ ٹھپی تے میران شاہ ہسپتال آ گدریفنگانے۔
