نیلم ۔ 10 فروری (اے پی پی) وزیرکانود، انصاف و پارلیمانی امور میاں عبدالوحید ایڈووکیٹ خاخر لگنگ آن زہمی شاردہ نا قدیمی بازار نا دورہ ءِ کرینے، دا وخت آ اوخاخر لگنگ اٹی مروک آ نسخان تا جاچ ءِ ہلک و زہمی تتون اوڑدہی کرے۔ میاں عبدالوحید ایڈووکیٹ شاردہ خاخر لگنگ نا واقعہ غا است ہسونی نا درشانی ءِ کرسا پارے کہ شکست تون مون تننگ کن پیش بندی نا گرج ءِ۔ اوضلعی انتظامیہ ءِ ریسکیو 1122 نا کاریم نا کچ ءِ ودفسا ہروڑنا ہلہلہ ئی حالیت آتون مون تننگ کن ریسکیو 1122 ءِ ہروخت تیار مننگ ناپارت کرے۔ اوپارے کہ وزیراعظم آزاد کشمیر شاردہ خاخر لگنگ نا سوب و نسخان تا جاچ ءِ ہلنگ کن کمیٹی جوڑ کرینے، کمیٹی نا سلاہ و سوج آتے مون آ تخسا حکومت نا کنڈآن زہمی تے امداد فراوان کننگک۔
