اسلام آباد۔ 08 فروری (اے پی پی) نگران بنجائی وزیر داخلہ ڈاکٹر گوہراعجاز وزارت داخلہ نا کنٹرول روم، سیف سٹی اسلام آباد و پولنگ اسٹیشن نا دورہ ءِ کرے۔ سیکرٹری داخلہ ، چیف کمشنر اسلام آباد و آئی جی اسلام آباد وزیرداخلہ تون اوار ئسر۔ کنٹرول روم آ بننگ آ کوآرڈینیٹر نیشنل ایکشن پلان وزیرداخلہ ءِ ملک اٹی لس گچین کاری تیٹی سیکورٹی حالیت آتا بابت حوال تس۔ وزیرداخلہ پارے کہ مچ آملک اٹی پولنگ نا عمل جوانی اٹ برجاءِ، فی الحال ہچ ءُ بھلو ناخوشگوار واقعہ اس پیش بتنے، ٹانک اٹی کوئیک ریسپانس فورس آ جلہو اٹی اسہ ورناسے نا شہیدی بھاز افسوزناک ءِ۔ اوپارے کہ پولنگ نا عمل نا سخت چاروکی برجاءِ، کس اسے کانود ءِ دوٹی ہلنگ ناموکل تفننگک۔ اواومیت ظاہر کرے کہ مچ آملک اٹی گچین کاری تا عمل پرامن وڑاٹ پورو مریک۔ اوکان پد وزیرداخلہ ڈاکٹر گڈ لک جوناتھن سروک کامن ویلتھ نا آبزرورمشن تون اوار سیف سٹی اسالم آباد نا دورہ ءِ ہم کرے ہراڑے آئی جی اسلام آباد شار اٹی امن وایمنی و پولنگ نا بابت سرجمی اٹ حوال تس۔ آئی جی اسلام آباد پارے کہ اسلام آباد اٹی گچین کاری تا عمل پرامن وڑاٹ برجاءِ، فی الحال ہچ ءُ غاواس ملتنے۔
