کوئٹہ۔ 08 فروری (اے پی پی) انسپکٹر جنرل پولیس بلوچستان عبدالخالق شیخ پارینے کہ بلوچستان نا چندی علاقہ غاتیٹی پولنگ نا عمل پرامن وڑاٹ برجاءِ، پولیس ، ایف سی و لیویز نا ساڑی گری ٹی الس نا سیکورٹی ءِ ہرحال اٹ پک کننگک۔ اسپیشل ہائی اسکول کوئٹہ نا پولنگ اسٹیشن نا دورہ ناوخت آ میڈیا تون گپ وتران کرسا اوپارے کہ مشکل آتیان پد ہم پرامن الیکشن کن سنبرینگوک اُن۔ اوپارے کہ گڑاس علاقہ غاتیٹی سیکورٹی گڑتی تیا جزوی وڑاٹ موبائل سروس ءِ بند کننگانے ولے انٹرنیٹ و موبائل زوت بحال مریک۔
