اسلام آباد۔8فروری (اے پی پی): حالءُ اھیوال کاریءُ شنگکاری ءِ ادارکی بنجاہی وزیر مرتضیٰ سولنگی ءَ گشتگ کہ ووٹ دیئگ وطن دوستی ءِ نشانی اِنت، درشانی ءِ حقءَ را کارمرز کنگءَ ملک ءَ را دیمروئی دیئگ بوت کنت۔ اے گپ آئیءَ پنچ شمبے ءِ روچءَ پی ٹی وی ءِ الیکشن ءِ حوالگءَ حاسیں ٹرانسمیشن ءَ گپء ُتران کنان ءَ کتگ۔ حالءُ اھیوال کاری ءِ ادارکی بنجاہی وزیر ءَ گشتگ کہ حلقہ این اے 46 اسلام آباد۔1 ءِ پولنگ اسٹیشن ءَ مرچی آئیءَ درستاں چہ پیسر ووٹ داتگ۔ آئیءَ گشتگ کہ 12 کروڑ پاکستانی اُلس وتی پسند ءِ اُمید وار یا جماعت ءَ را ووٹ بدے اَنت، ووٹ دیئگءَ چہ وتی اُمیت وار ءَ را گچین کنگ بیت۔ آئیءَ گشتگ کہ ووٹ دیئگ وطن دوستی ءِ نشانی اِنت۔ یک جستے ءِ پسوءَ ادارکی بنجاہی وزیرءَگشتگ کہ ادارکی بنجاہی وزیر جوڑ بوہگءَ پد منءَ چہ اولی جست گچین کاری کنائینگ ءِ حوالگءَ کنگ بوتگ۔ آئیءَ گشتگ کہ گچین کاری ءِ حوالگءَ دروگءُ پندل سازگ بوتگ، بلے مرچی درستیں دروگء ُ پندل ہلاس بوتگ اَنت۔ آئی ءَ گشتگ کہ ادارکی حکومت ءَ را سکیورٹی ء ُ معیشت ءَ ہوار بازیں جیڑہ ء ُ جنجالانی دیمپانی کتگ، ادارکی کابینہ ءَ وہدے سوگند چست کتگ گڈا ڈالر ءِ نیاد 296 کلدار بوتگ، وہدے کہ اوپن مارکیٹ ءَ ڈالر 350 ءَ چہ 400 کلدارءَ بوتگ۔ آئیءَ گشتگ کہ معیشت ملک ءِ درستاں چہ مستریں جیڑہ اِت۔ بنجاہی وزیرءَ گشتگ کہ سال 2024 دنیاءِ بازیں ملک آں گچین کاری ءِ سال اِنت، پاکستان ءِ گچین کاری عمل ءَ سرجمیں دنیاءِ چم سک اَنت۔ 200 ءَ چہ گیش درملکی ادارگانی ھاترءَ کار کنوکیں صحافی پیسرءَ چہ پاکستان ءَ ساڑی بوتگ اَنت، گچین کاری ءِ کوریج ء ِ ھاترءَ درملکی صحافی ء ُ مبصرین پاکستان ءَ اَتکگ اَنت۔یک جستے ءِ پسوءَ بنجاہی وزیرءَ گشتگ کہ بے کانودی درملکی مردمانی درکنگ یک مزنیں جیڑہے بوتگ، 6 لکھ ءَ چہ گیش بے کانودی درملکی مردم واتر شتگ اَنت۔ بنجاہی وزیرءَ گشتگ کہ پی ٹی وی راجی شنگکاری ادارگ اِت، آئی ءِ معیارءَ گیش بُرز کناں۔
