اسلام آباد۔8فروری (اے پی پی): حالءُ اھیوال کاریءِ ادارکی بنجاہی وزیر مرتضیٰ سولنگی ءَ حلقہ این اے 46 اسلام آباد۔ 1 ءِ پولنگ اسٹیشن اسلام آباد ماڈل سکول ڈورہ ءَ درستاں چہ پیسر ووٹ داتگ۔ حالءُ اھیوال کاریء ِ ادارکی بنجاہی وزیر ءَ پنچ شمبے ءِ سھب ءَ 8 بج ءَ چہ پیسر پولنگ اسٹیشنءَ سربوتگءُ درستاں چہ پیسر وتی ووٹ داتگ۔ اے موہ ءَ گپءُ تران کتگءُ ادارکی بنجاہی وزیرءَ گشتگ کہ ووٹ یک راجی فرض اِت کہ ہرچ زمہ واریں شہری ءَ پیلو کنگ لوٹ ایت، آزاد ء ُ ساپ ءُ سلاہیں گچین کاری ملک ءِ تہا جمہوریت ءَ را محکم کن اَنت۔ آئیءَ گشتگ کہ وتی ءُ وتی نسل ءِ روژناہیں بانداتءِ ھاترءَ اُلس ووٹ المءَ بدے اَنت۔ آئیءَ اے اُمیتءِ درشانی کتگ کہ سرجمیں ملک ءَ ووٹنگ ءِ عمل گوں امنء ُ ایمنی ءَ سرجم بیت۔ زانگ بہ بیت کہ حلقہ این اے 46 اسلام آباد 1 ءَ 44 اُمیت وار یکے دومی ءِ دیما اوشتاتگ اَنت۔ اے حلقہ ء ِ تہا رجسٹرڈ ووٹرآنی کساس 3 لکھ 50 ہزار 581 اِنت، زالبول ووٹرآنی کساس یک لکھ 66 ہزار 656وہدے کہ مردین آدم ووٹرآنی کساس یک لکھ 83 ہزار 925 اِنت۔ حلقہ این اے 46 اسلام آباد 1 ءَ 342 پولنگ اسٹیشن آں وہدے کہ 1033 پولنگ بوتھ جوڑ کنگ بوتگ اَنت۔
