اسلام آباد۔ 07 فروری (اے پی پی) ترجمان دفترخارجہ ممتاز زہرہ بلوچ پاکستان اٹی بروک آ لس گچین کاری تا بابت اقوام متحدہ نا ہائی کمشنر انسانی حق انا دفترنا ریمارکس آ میڈیا نا سوج انا ورندی ٹی پارے کہ پاکستان اسہ جوان ءُ جمہوری عمل اسے مون آ دننگ، کانود نا حکمرانی ءِ برقرار تخنگ و انسانی حق و بنداوی آجوئی تا رکھ اکن پورو وڑاٹ سنبرینگوک ءِ ہرانا ضمانت ءِ اونا کانود و آئین اٹی تننگانے۔ دفترخارجہ نا رداٹ چارشنبے نادے آ داڑے جاری بیان اٹی اوپارے کہ پاکستان نا گچین کاری کانود نا رداٹ 8 فروری آ گچین کاری تا اڈتننگ کن سیکورٹی پلان تے گڈیکو دروشم اس تننگانے۔ اوپارے کہ ننا عدالتی نظام انصاف اٹ ٹرائل وجوان عمل فراوان کیک ، گچین کاری عمل اٹی ہروڑنا غاوتا حالیت اٹ ملکی کانود ناکمک اٹ اوفتا کانودی ایسر ساڑی ءِ۔
