اسلام آباد۔7فروری (اے پی پی): لس گچین کاری 2024 ءِ کوریج کنگ ءِ واستہ ھندی ءُ میاں اوستمانی اھوالکار آنی آسراتی ءِ واستہ پریس انفارمیشن ڈیپارٹمنٹ پی آئی ڈی ءَ میڈیا کوآرڈینیشن اینڈ فیسلی ٹیشن سنٹر ءِ جوڑ کنگ بوتگ ایشی ءِ مول ءُ مراد اھوالکار آناں یک جاھے ءَ چہ توامیں آسراتی پجاری ءُ گچین کاری کار ءِ ساھت ءَ جوان ءُ پکوئیں مالومداری ءُ لاجسٹک سپورٹ آں تاں پجاری دل یکیمی جوڑ کنگی انت۔ بنجاھی وزیر اھوالکاری ءُ شنگ کاری مرتضیٰ سولنگی ءَ چار شمبے ءَ پی آئی ڈی ءَسینٹر ءِ بنگیج کت۔ اے موہ ءَ سیکرٹری اھوالکاری شاہیرہ شاہد، پریس انفارمیشن اپسرگ ڈاکٹر طارق محمود ءُ وزارت ءِ اھوالکاری ءِ ایندگر اپسرگ ساڑی اتنت۔ بنجاھی سیکرٹریاھوالکاری شاہیرہ شاہد ءَ مراگش ءَ گوں گشتانک دیان ءَ میڈیا کوآرڈینیشن اینڈ فیسلی ٹیشن سینٹر ءَ اھوالکار آناں ھمک رنگیں آسراتی پجاری کنگ بہ بیت۔ گچین کاری آنی ساھت ءَ مالومداری پجاری کنگ ءِھوالگ ءَ ھمک رنگیں کمک پجاری کناں۔ مراگش ءَ گوں گشتےانک دیان ءَ پرنسپل انفارمیشن اپسرگ ڈاکٹر طارق محمود ءَ گوشت کہ سرجمیں ملک ءَ استیں پی آئی ڈی ءِ کارگس آنی تہءَ میڈیا کو آرڈینیشن اینڈ فیسلی ٹیشن سینٹر جوڑ کنگ بوتگ۔ آئی ءَ گوشتگ کہ اھوالکار آناں لس گچین کاری ءِ کوریج ءِ واستہ 4763 ایکریڈیشٹیشن کارڈز جاڑی کنگ بوتگ۔ اسلام آباد ءَ 1219 ، لاہور ءَ 776، کراچی ءَ 878 ، پشاور ءَ 363، کوئٹہ ءَ 167، حیدر آباد ءَ 132 ، فیصل آباد ءَ 482 ءُملتان ءَ 746 ایکریڈیشٹیشن کارڈز جاڑی کنگ بوتگ۔ اے موہءَ پشاور ، لاہور، کراچی، کوئٹہ ءِ ڈی جی پی آر آں ھم وتی وتی ریجنز جوڑ کتگ انت فیسلی ٹیشن سینٹرز ءِ بابت ءَ سرجمیں ھال آنی بابت ءَ سرپد کت۔
