اسلام آباد۔7فروری (اے پی پی): ادارکی مزن وزیر انوارالحق کاکڑ ءَ بلوچستان ءَ پشین ءِ دمگ خانوزئی ءُ قلعہ سیف اللہ ءَ تراک آناں مذمت کتگ ءُ اے تراک آنی نتیجگ ءَ گران بھائیں بنی آدم آنی جانی تاوان بار ءِ پد ءَ اپسوزی ءِ درشان کتگ۔ چار شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں جار ءِ رد ءَ ادارکی مزن وزیر ءَ اے ڈکھ ءِ ساھت ءَ گمگیں ھاندان ءَ گوں یکوئی ءِ درشان کتگ ءُ شہید آنی درجگ آنی برز ءُ بلندی ءِ واستہ گوں ھدا وند ءَ نیک دعا کتگ۔ مزن وزیر ءَ ٹپیگ آنی دوا ءُ درمان پجاری ءِ واستہ پنت ءُ شون کنان ءَ چیف سیکرٹری بلوچستان ءَ چہ اے واکیہ رپوٹ پیش کنگ ءِ لوٹ کت۔ مزن وزیر ءَگوشت کہ ایمنی ءِ جاور ھال آناں اچبر لگت مال کنگ ءِکوشست اچبر کامیات نہ بنت، حکومت لس گچین کاری ءِ برجائی ءِ واستہ جزمیگ انت۔
