کوئٹہ۔ 06 فروری (اے پی پی) چیئرمین بلوچستان بورڈ میر اعجاز عظیم بلوچ پارینے کہ کشمیری تا حق و خودارادیت و کشمیر نا آجوئی کن ہروڑنا قربانی تننگک کشمیر کاز ءِ کس اس نسخان تننگ کپک ، ننا است کشمیری تتون دھڑکک، کشمیر بھارت نا بشخ اسُل مننگ کپک ، کشمیر پاکستان نا شہ رگ ءِ۔ داخیال آتا درشانی ءِ او کشمیری الس تون یکجہتی نا درشانی و کشمیری شہید آتا دود آن تران کرساکرے، چیئرمین بورڈ بلوچستان میر اعجاز عظیم بلوچ پارے کہ بھارت کشمیر اٹی ظلم کرسا کشمیری تا توار ءِ توننگ کپک بھارت کشمیری تیا ظلم کرسا انسانی حق انا خلاف ورزی کننگ ءِ اقوام متحدہ و ایلو جہانی واکدارآتے مرے کہ او بھارتءِ کشمیری تیا ظلم آن تورے و بے گناہ کودک کشمیری تیا ظلم انا دمدستی نوٹس ءِ ہلے انسانی حق انا تنظیمک کشمیراٹی ظلم انا بطرخلاف توار بڑز کیر و کشمیرنا آجوئی کن مثبت کڑد ادا کیر۔ اوپارے کہ پاکستان کشمیری تا اخلاقی سفارتی مخ تفی مدام برجاسلک۔ قائد فرمائفیسس کہ کشمیر ننا شہ رگ ءِ اینو دا ریلی تا کمک اٹ نن اوفتے تون یکجہتی نا درشانی ءِ کننگ اُن ، اوپارے کہ پاکستان نا اسہ بندغ اس دُن ءُ اف کہ ہرانا است کشمیرنا الس تون سرپک، اینو مچ آپاکستان کشمیر نا الس کن سراپا برانز کننگ ءُ و کشمیری تتون یکجہتی نا درشانی ءِ کننگ ءُ بھارت تینا غاصبانہ و کودک مخلوق آ بیدادی نا رویہ غاتا سوب آن 10 لکھ فوج تخسا کوزہ نا بے سہب کوشست کننگ ءِ ۔
