کوئٹہ۔ 06 فروری (اے پی پی) چیئرمین اسٹینڈنگ کمیٹی پیٹرولیم و رسورسز و سیاسی و اقتصادی امور نا ماہر سینیٹر محمد عبدالقادر پارینے کہ کشمیر تون یکجہتی نادے ءِ مچ آ دنیا ٹی اڈتننگا پاکستان کشمیر نا بابت تینا اصولی موقف آ سلوک ءِ، کشمیر پاکستان نااٹوٹ انگ ءِ بھارتی ظلم انا سوب آن اسہ لکھ آن زیات کشمیری ءِ شہید کننگانے، بھارت نا درندہ صفت فوج انا سم کاری آن لکھ آ کشمیری ٹھپی و معذور مسنو پاکستان کشمیری تا حق خودارادیت ءِ امنا کیک و پاکستان نا پاننگ ءِ کہ بھارت ہم کشمیری تا حق خودارادیت ءِ بعینہ امنا کے ۔ داڑے جاری مروک اسہ بیان اسے ٹی اوپارےے کہ کشمیر پاکستان و بھارت نا نیام اٹ اسہ متکن ایسر نا چاری ءُ ویل اسے پاکستان کشمیری تا لکھ آ قربانی تے زیان مننگ کن اِلیپک بیرہ پاکستان اٹی ہی آخا بلکن مچ آ دنیا ٹی ہراڑے ہراڑے پاکستانی رہینگرہ اوفتا دل کشمیری تتون سُرک پاکستان کشمیری تا سیاسی جہد نا مدام سیاسی و سفارتی کہول آ مخ تفی ءِ کرسا کیک پاکستان نا اصولی موقف ءِ کہ کشمیر نا آخبت نا دمدستی فیصلہ ءِ اقوام متحدہ نا قرارداد آتا رداٹ کننگے کشمیری کشمیر نا آخبت نا پرامن ایسری ءِ خوارہ۔ اوپارے کہ کشمیری راہشون تا بھارت آن نجات دوئی کننگ نا جہد ضروررنگ اس اتیک ہمودے مر اف ہراتم کشمیری تینا آخبت نا فیصلہ ءِ تینا حق خودارادیت ءِ کاریم اٹ اتسا کیرہ ، کشمیری ورناک تینا راہشون مقبول بٹ، افضل گورو، برہان وانی و ایلوفتے تینا ہیرومنرہ اینو تینا ہیروتا نقش قدم آ چلینگسا ہر ورناکشمیری حریت پسند جوڑ مسنے کشمیری تا جہد آجوئی آن خارزدہ بھارت کشمیر اٹی 9 لکھ فوج تعینات کرینے، بھارت نا غاصب فوج انا ظلم انا سوب آن کشمیراسہ زندان اسے ٹی بدل مسنے ہرانا مچ آ دنیا ترندی اٹ مذمت ءِ کیک۔ چیئرمین قائمہ کمیٹی پارے کہ کشمیر نا چناچنا کشمیرنا آجوئی کن کوشست کننگ ءِ کشمیر نا سڑک آتیا اسہ دُواٹی خل و ایلو ٹی فیڈرہرفسا نڈر کشمیری چناک بھارت نا فوج انا حوصلہ ءِ پرغنگ کن گنج اسے ءُ۔
