اسلام آباد۔ 06 فروری (اے پی پی) چین پاکستان اقتصادی راہداری (سی پیک) ڈٹ 21 می صدی نا اہم شونداری ڈٹءِ، دانا رداٹ 29 ارب ڈالر نا36 ڈٹ پورو مسنو وخت اس کہ 22 آ کاریم برجاءِ۔ سی پیک کمامدارآتارداٹ چین جہانی کہول آ 3000 بیلٹ اینڈ روڈ انیشی ایٹیو(بی آرآئی) ڈٹ آتیٹی اسہ ٹریلین ڈالر آن زیات نا زرکاری کرینے و 40 ملین آن زیات مخلوق ءِ نیزگاری آن کشسا اوفتا زند آ مثبت اثرمرتب کرینے۔ 2023 نا ایسر اسکان سی پیک نا فریم ورک نا رداٹ جم وڑاٹ 29 ارب ڈالر نا 36 ڈٹ پورو مسنے و 22 ڈٹ آتیاکاریم برجاءِ ہرافتا مثبت نتیجہ غاتا بننگ سلوک ءِ۔ ہڑتوم آملک آتا نیام اٹ کمکاری نا ساڑی آ بشخ آتیٹی ایم ایل ون نا اپ گریڈیشن، خصوصی اقتصادی زون و کشت وکشار نا شونداری نمان اہمیت تخرہ۔
