اسلام آباد۔3فروری (اے پی پی): ادارکی مزن وزیر ءِ ھاسیں کمکار برائے بنی آدمی ھک آنی رکھینوک مشعال ملک ءَ گوشتگ کہ پاکستان مقبوضہ جموں کشمیر ءِ الس آنی آجوئی ءِ جہد ءُ کوشست ءِ واستہ وتی سیاسی، اخلاقی ءُ سفارتی کمک آناں جاڑی دار ائیت۔ آ پریس انفارمیشن ڈیپارٹمنٹ (پی آئی ڈی ) ءِ بند ءُ بست کتگیں یوم یکجہتی کشمیر ءِ ھوالگ ءَ برجمیں سیمینار ءَ گوں گشتانک دیان ءَ کت۔ اے موہ ءَ پرنسپل انفارمیشن اپسرگ ڈاکٹر طارق محمود خان ءُ آل کشمیر نیوز پیپرز ایسوسی ایشن (اے کے این اے) ءِ باسک ءُ نماھندگ آں گوں گشتانک دیگ ءَ ات۔ سیمینار ءَ ڈی جی انفارمیشن سروس اکیڈمی ارشد منیر، ڈی جی پی آئی ڈی عنبرین گل، صدر اے اکے این اے امجد چودھری ءُ سول سوسائٹی ءُ ایندگر میڈیا ایسوسی ایشنز ءِ باسک آں بھر زوری کت۔
