فیصل آباد۔ 02 فروری (اے پی پی) پاکستان مسلم لیگ (ن) نا مرکزی راہشون و مسکوہی وزیر مملکت چوہدری عابد شیرعلی اومیتدار قومی اسمبلی حلقہ این اے 102 فیصل آباد پارینے کہ مسلم لیگ (ن) نا حکومت مدام بزنس فرینڈلی مسنے، اگہ ننا حکومت بس تو السی مینڈیٹ اتون نئے بیرہ کاروباری تپہ نا ویل آتے ایسر کننگک بلکن اوفتے غٹ ممکن ریلیف ہم فراوان کننگک۔ او تینا و اومیتدار صوبائی اسمبلی حلقہ پی پی 116 فیصل آباد رانا احمد شہریارخان نا اعزاز اٹی حرم کلاتھ مارکیٹ، فیصل آباد نا پوریاگر آتا کنڈآن اڈ ہلوک گچین کاری دود آن تران کریکہ ہراٹی مسکوہی ڈپٹی میئر و سپریم انجمن تاجران (امین بٹ گروپ) نا چیئرمین محمد امین بٹ، سٹی کلاتھ مارکیٹ نا جنرل سیکرٹری عباس حیدر، حرم کلاتھ مارکیٹ نا صدر شیخ ارسلان اسلم اچھی، جنرل سیکرٹری شیخ نعیم حبیب آن بیدس گھنٹہ گھر نا ہر ہشت آ بازار آتا پوریاگر تنظیم تا گچین مروک صدر و ایلو عہدیدار و دوکاندار و پوریاگرآک بھلو کچ اسے ٹی بشخ ہلکر و چوہدری عابد شیرعلی تون اوار فیصل آباد نا غٹ لیگی اومیتدار قومی و صوبائی اسمبلی نا پبی تائید ومخ تفی نا پڑو ءِ کریر۔
