اسلام آباد۔ 02 فروری(اے پی پی) ملک اٹی پیٹرولیم مصنوعات آتا بہاٹی برجامالی سال انا اولیکو7تُوا ٹی سالانہ بنداو تیا 13 درسد نا کمتی ریکارڈ کننگانے۔ اوسی اے سی و عارف حبیب ریسرچ نا رداٹ مالی سال نا اولیکو7 تُواٹی ملک اٹی 9.07 ملین ٹن پیٹرولیم مصنوعات آتا بہاریکارڈ کننگا ہرا تدوک آ مالی سال انا ہندا مد انا مقابلہ ٹی 13 درسد کم ءُ۔ تدوک آمالی سال نا ہندا مد اٹی ملک اٹی 10.47 ملین ٹن پیٹرولیم مصنوعات آتا بہاریکارڈ کننگاسس۔ جنوری ٹی ملک اٹی 1.38 ملین ٹن پیٹرولیم مصنوعات آتا بہاریکارڈ کننگا ہرا دسمبر نا مقابلہ ٹی 12 درسد زیات و تدوک آ سال جنور ی نا مقابلہ ٹی 4 درسد کم ءُ۔ دسمبراٹی ملک اٹی 1.24 ملین ٹن و تدوک آ سال جنوری ٹی 1.44 ملین ٹن پیٹرولیم مصنوعات آتا بہاریکارڈ کننگاسس۔ حساب وکتاب نار داٹ مالی سال انا اولیکو 7 تُواٹی ملک اٹی 4.18 ملین ٹن پیٹرول، 3.67 ملین ٹن ہائی اسپیڈ ڈیزل و 0.75 ملین ٹن فرنس آئل نابہاریکارڈ کننگانے۔
