راولپنڈی۔ 02 فروری (اے پی پی) اینٹی نارکوٹکس اتھارٹی (اے این ایف) منشیات سمگلنگ نا برخلاف 8 کارروائی تیٹی 36 کلوگرام منشیات دوئی کرسا 7 دوبہ دار آتے دزگیرکرے ۔ اے این ایف ترجمان نا رداٹ لاہور بالی پٹ آ کارگو آفس آن برطانیہ غا مون تروک آ پارسل آن 6 کلوگرام ہیرون دوئی کرسا دوبہ دار ءِ دزگیرکننگا۔ فیصل آباد بالی پٹ آ بحرین آ ہنوک آ مسافر اسے آن اسہ کلو گرام آئس دوئی کننگا۔ اسلام آباد بالی پٹ آ قطر آ ہنوک آ مسافر آن 750 گرام چرس و 448 گرام آئس دوئی کننگا۔ لاہور بالی پٹ آ دبئی آ ہنوک آ مسافر آن 83 ہیرون آن پُر کیپسول دوئی کننگا۔ ملتان بالی پٹ آ شارجہ غا ہنوک آ مسافر آن 950 گرام آئس دوئی کرسا دوبہ دار آتے دزگیرکننگا۔ رنگ روڈ پشاور نا خڑک دوبہ دار آن 26 کلوگرام چرس دوئی کننگا۔ نادرہ چوک طورخم ناخڑک آن 684 گرام آئس دوئی کننگا۔ ڈیرہ اسماعیل خان اٹی دوبہ دار اسے آن 600 گرام چرس دوئی کننگا۔ ترجمان اے این ایف پارےکہ دزگیر دوبہ دار آتا برخلاف منشیات تورایکٹ انا رداٹ مقدمہ غاتے نوشتہ کرسا مستی جاست وپاست نا بناءِ کننگانے۔

متعلقہ مضامینمصنف کی طرف سے مزید